АЛТЫННЬЫ 14 КҮНҮГЭР Россияҕа Аҕа кунун көрсө » Түмэн » НАК дьиэтигэр орто оскуоланы кытта кыттыһан «Аҕа оҕотунаан» тэрээһин ыытылынна. Тэрээһин үөрүүлээх чааһыгар нэһилиэк депутата Алексей Яковлевич Готовцев, дьахталлар түмсүүлэрэ салайааччыта Людмила Романовна Готовцева эҕэрдэлэрин эттилэр. Алын кылаас үөрэнээччилэрэ монтаж, ырыа кэһиилэрин бэлэхтээтилэр. Ол кэннэ а5аларга оҕолорун кытта «Эр киһи» уонна «Дьиэ-кэргэн» харысхалларын оҥорууга мастер-класс ыытылынна. Салгыы өй оонньуутугар «Аҕалар vs оҕолор» хамаанданан күрэхтэстилэр. Бырааьынньык түмүк чааһыгар «ХОМУУР КҮРЭХ» бэрт тыҥааһыннаах киирсиилэр кэннэ 3м ыллылар Маша, Михаил Ушницкайдар, 2м ыллылар Вика, Алексей Готовцевтар уонна Кыайыылааҕынан таҕыстылар Ксюша, Алексей Ядрихинскайдар, кыайыылаахтар мэтээлинэн кубогынан наҕараадаланнылар. Наҕараадалааһын кэннэ аҕаларга төрөппүт комитета минньигэс тордунан күндүлээтилэр. Тэрээһиҥҥэ кыттыбыт, көмөлөспүт, ыалдьыттаабыт дьоммутугар махталбытын тиэрдэбит.
