Нэһилиэк баһылыга Белолюбскай М.М. бырааһынньыгынан эҕэрдэлээн туран, оҕо саадын бэтэрээн үлэһитигэр Березкина Августина Николаевнаҕа «Баатаҕай нэһилиэгин Бочуоттаах олохтооҕо» анал знагы дохсун ытыс тыаһынан туттарда. Дьоро киэһэни Егор Гоголев, Николай Николаев ырыалара, «Танцы манцы» көр-күлүү бөлөҕүн көрдөөх сыанката киэргэттилэр.
«Түмэн» НАК коллектива бэтэрээннэрбитигэр Готовцева Н.В, Сивцева В.А профсоюз аатыттан бэлэхтэри туттардыбыт.
Торжественнай чаас кэннэ түөлбэнэн аҕам саастаахтар «Көрдөөх эстафетаҕа» илин-кэлин түһүстүлэр. Кыайыылааҕынан «Рожденные в СССР» хамаандалаах «Аргыс» түөлбэ таҕыста, грамотанан уонна анал кубогынан наҕараадаланнылар. Иккискэ «Дабаан», үһүскэ «Сарыал» Түөлбэлэр тигистилэр.
Биирдиилээн «Хомуур» күрэххэ Александра Алексеева, «Дартс» күрэххэ Анна Егорова Чемпион үрдүк аатын ылан, бириистэри туттулар.
Оонньуулар, үҥкүү-битии кэмигэр урукку кэми санатар фотозона, «Советское» кафе үлэлээтэ.
Биэчэргэ кыттыбыт, сылдьыбыт ыалдьыттарбытыгар өссө төгүл эҕэрдэбитин, махталбытын биллэрэбит. Доруобуйаны, мэлдьи ыраас халлааннаах, эйэлээх олоҕу баҕарабыт.
