Саха Республикатыгар спорт уонна физкультурнай хамсааһын сайдыытын тэрийээччи, көҕүлээччи, государственнай деятель Николай Николаевич Тарскай төрөөбүтэ 100 сылынан, алын сүһүөх кылаас уолаттарыгар улуустааҕы «БӨТӨС 2024» күрэххэ сүүмэрдиир түһүмэҕэ муус устар 13 күнүгэр Баатаҕай нэһилиэгэр ыытылынна.

Барыта 4 уол биэс түһүмэххэ күрэхтэстилэр.
Түмүккэ «КЫЛААН ЧЫПЧААЛ» Егор Гоголев 4 кылаас буолары ситистэ, уонна аны сайын ыһыахха Баатаҕай нэһилиэгин аатын көмүскүөҕэ. Очкотунан тэҥнэспит, хаачыстыбанан хотторбут Артем Белолюбскай 2 кылаас, дьүүллүүр сүбэ быһаарыытынан күрэххэ кыттар чиэһи ылла.
Бары кыттыбыт уолаттарга, төрөппүттэргэ, кылаас салайааччыларыгар, дьүүллүүр сүбэҕэ үлэлээбит Николай Адамовичка, Любовь Владимировнаҕа, күрэх судьуйатыгар Алексей Алексеевичка махталбытын тиэрдэбит. Бэс ыйын 8 күнүгэр улуустааҕы күрэххэ уолаттарбытыгар кыайыыны баҕарабыт!