Кулун тутар 8 күнүгэр нэһилиэкпит олохтоохторугар кэрэ аҥардар күннэрэ ыытылынна. Сааскы киэһэ нэһилиэк баһылыга, М.М. Белолюбскай тэрээһиҥҥэ кэлбит Кэрэ аҥардары, Далбар Хотуттары эҕэрдэлээтэ, улууска ыытыллыбыт «Кэскил түһүлгэтэ» съезд сонуннарыттан билиһиннэрдэ.
«САХАМ ДАЛБАР ХОТУНА» сахалыы сайыҥҥы, кыһыҥҥы соннору көрүү-конкурса ыытылынна. Кыайыылаахтарынан Ксения Румянцева, Галина Ушницкая буоланнар грамота уонна бириис туттулар.
«ЧЭЙИҤ, ЭРЭ КЫРГЫТТАР» хамаанданан кэрэ аҥардар конкурстарыгар 4 хамаанда, 5 араас түһүмэххэ кытыннылар. Дьүүллүүр сүбэҕэ үлэлээтилэр Бурнашев Н.Н., Белолюбскай М.М., Готовцев Л.А., Барамыгин Д.П. Түмүккэ:
1м -«Дьэргэлгэн» («Танцы-манцы» бөлөх)
2м — «BW» (НАК иһинэн үлэлиир «Betta Women» түмсүү)
3м — «Ньургуьуннар» (библиотека иһинэн үлэлиир «Эйгэ» түмсүү)
4м -«Дьүөгэлиилэр» хамаандалара ылары ситистилэр. Күрэххэ кыттыбыт кэрэ аҥардар грамоталарынан, сэмэй бэлэхтэринэн бэлиэтэннилэр.
Бырааһынньыктаагы киэһэни Леонид Готовцев, Алена Готовцева, 2 кылаас үөрэнээччилэрин музыкальнай эҕэрдэлэрэ киэргэттэ.
Бары кыттыбыт, киэһэни киэргэппит, тэрийсибит, ытыс тыаһын бэлэхтээбит күндү дьоммутугар МАХТАЛБЫТЫН БИЛЛЭРЭБИТ.
