Күүтүүлээх саҥа 2024 сылы көрсө, ааспыт 2023 сыл түмүктэрин таһаарар тэрээһин Баатаҕай нэһилиэгэр тохсунньу 21 күнүгэр ыытылынна.
Дьоро киэһэ нэһилиэк баһылыга Белолюбскай М.М. эҕэрдэтинэн, Леонид Готовцев «Бастыҥ дьонноох Баатаҕай» Өрөгөй ырыатынан саҕаланна.
Ыҥырыылаах ыалдьыт, депутат Троев А.Я. улуустан кэлбит наҕараадалары туттарда.
Нэһилиэк баһылыга Белолюбскай М.М нэһилиэк анал знактарын, үбүлүөйдээх саастаахтарга эҕэрдэ суруктары, “Молоды душой” региональнай киин анал “Год Труда” знагын тыа хаһаайыстыбатыгар уһуннук үлэлээбит, үлэлии сылдьар дьоммутугар үөрүүлээх быһыыга-майгыга туттарда.
Тэрээһин иккис чааһыгар 2023 сыл Бастыҥнарын, барыта 12 араас номинацияҕа Лауреаттары үрдүк сыанаттан эҕэрдэлээтибит . Дьоро түһүлгэни ылбаҕай ырыаларынан биир дойдулаахтарбыт Саха Республикатын үтүөлээх артыыската, Уус Алдан улууһун, Мүрү, Байаҕантай, Баатаҕай нэһилиэктэрин Бочуоттаах олохтооҕо, эстрада театрын артыыската ВАРЯ АМАНАТОВА — АЛААС КЫЫҺА уонна С. Омоллоон аатынан опера уонна балет Государственнай театрын артыыһа ЛЕОНИД ГОТОВЦЕВ киэргэттилэр.
Түмүккэ Тымныы Моруос оҕонньор, сиэн кыыһа Хаарчаана мустубут дьону эҕэрдэлээтилэр. Маскарад уонна олбуор таһын киэргэтии конкурстар кыайыылаахтарыгар бэлэхтэри, грамоталары туттардылар. Тэрээһин уопсай хаартысканан, үҥкүүнэн түмүктэннэ.
Нэһилиэккэ биллэриллибит Н.Н. Тарскай аатынан 2024 сылбыт барыбытыгар эйэни, доруобуйаны, ситиһиилээх үөрэҕи, үлэни аҕаллын.
