Бүгүн Ахсынньы 8 күнүгэр Күлүмнүүр аатынан «Тойон Мүрү» култуура дыбарыаһыгар «УУС АЛДАН ХОРЕОГРАФТАРЫН АССОЦИАЦИЯТА» тэриллибитэ 25 сыллаах юбилейнай тэрээһинэ буолла. Баатаҕай нэһилиэгиттэн «Үҥкүүнэн олоҕу киэргэтэн» Баатаҕай нэһилиэгэр үҥкүү сайдыытын историятын кэпсиир, үҥкүү бөлөхтөрүн хаартыскалара, көстүүмнэрэ, ситиһиилэрэ анал быыстапканан турда.
Үөрүүлээх тэрээһиҥҥэ биир дойдулаахтарбытыгар, хореограф идэлээх Мария Гороховаҕа, Александра Саввинаҕа «Баатаҕай нэһилиэгэ» МТ дьаһалтатын эҕэрдэ суруктарын уонна нэһилиэк биирдиилээн, бөлөҕүнэн үҥкүүһүттэрин ааттарыттан эҕэрдэ суругу, сэмэй бэлэҕи салайааччыбытыгар Мария Гороховаҕа С.Ф. Сивцев аатынан «Түмэн» НАК директора, Готовцева Л. Р. туттарда.
Киэһэ 6 чаастан «ОЛОҔУ КЭРЭНЭН КИЭРГЭТЭН» юбилейнай концерт ыытылынна. Улууспут бары араҥатын хабан, нэһилиэктэртэн киирбит биирдиилээн, бөлөҕүнэн үҥкүүһүттэр концертка кыттыыны ыллылар. Баатаҕай нэһилиэгиттэн «Алгыс» аҕа көлүөнэ үҥкүүһүттэрин бөлөҕө «Дэйбиирдээх үҥкүүнэн» дьоро киэһэҕэ кыттыста. Үҥкүү түһүлгэтигэр кыттыыны ылалларын өйөөбүт нэһилиэкпит дьаһалтыгар, баһылык М.М. Белолюбскайга уонна суоппар И.Ф. Готовцевка махталбытын тиэрдэбит.
