Бүгүн, сэтинньи 20 күнүгэр улууска Олоҥхо декадатын көрсө ОЛОҤХОҺУТТАР аллеяларыгар экскурсия ыытылынна. Экскурсия ыалдьыттарынан буоллулар Баатаҕайдааҕы «Күнчээн» оҕо уһуйаанын иитиллээччилэрэ уонна иитээччи Надежда Николаевна Гоголева.
Норуот айымньытын киинин методиһа, Людмила Семеновна Лугинова оҕолорго Баатаҕайга төрөөн, олорон ааспыт олоҥхоһуттар, тойуксуттар, норуот ырыаһыттарын тустарынан билиһиннэрдэ.
Оҕолор олоҥхо туһунан төһө билэллэрин викторинаҕа оонньоон тургутан көрдүлэр. Олоҥхо декадатынан, экскурсияга сылдьыбыт «Күнчээн» оҕо саадын иитиллээччилэригэр, иитээччилэригэр махталбытын тиэрдэбит.
