ЦНТ "Тумэн"

ЦНТ "Тумэн"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ «БАТАГАЙСКИЙ ЦЕНТР НАРОДНОГО ТВОРЧЕСТВА «ТУМЭН» ИМЕНИ СЕМЕНА ФЕДОРОВИЧА СИВЦЕВА» МУНИЦИПАЛЬНОГО ОБРАЗОВАНИЯ «БАТАГАЙСКИЙ НАСЛЕГ» УСТЬ-АЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Batagay

Все записи автора Batagay

Бөдөҥ государственнай уонна общественнай деятель, Саха сиригэр физкультурнай уонна спортивнай хамсааһыны тэрийээччи, ССРС физическэй култуураҕа туйгуна Николай Николаевич Тарскай төрөөбүтэ 100 сылынан биһиги, 71 кийиит кыттыһан, иккис дойду оҥостубут тапталлаах Баатаҕайбытыгар стела оҥорон бэлэх ууннубут.

Стеланы Биэттэ эбэ кэрэ көстүүлээх миэстэтигэр, Хомустаах күөл кытыытыгар сиэри-туому тутуһан туруордубут. Субуотунньукка кыттыбыт кэргэттэрбитигэр уонна Сидоров Николайга улахан махталбытын тиэрдэбит. Баатаҕай биир кэрэ-бэлиэ миэстэтин «Баатаҕайбын ❤️» стеланы харыстыаҕыҥ✊🏻✊🏻✊🏻. Баатаҕай кийииттэрэ

Быйылгыттан Саха Республикатыгар бэлиэтэнэр Оһуохай күнүнэн эҕэрдэлиибит. Нэһилиэк тэрээһиннэригэр өрүү кыттар, Оһуохай этээччилэрбитигэр Августина Березкинаҕа, Таисия Аманатоваҕа, Марта Ушницкаяҕа, Мария Галактионоваҕа истиҥ эҕэрдэ, барҕа махтал.

Улуустааҕы культура управлениятын, профсоюһун, Баатаҕайдааҕы С.Ф.Сивцев аатынан «Түмэн» НАК коллективын аатыттан оскуола выпускнига Алексан Лугиновы, оскуола алын сүһүөх выпускницатын Алгыстаана Белолюбскаяны, «Күнчээн» оҕо уһуйаанын выпускницатын Айгылаана Белолюбскаяны бырааһынньыктарынан истиҥник эҕэрдэлиибит.

Ыам ыйын 22 күнүгэр Баатаҕайдар Ытык сирбитигэр «Денис Бэстэригэр» Ньукуолун күнүн, Сайылык күнүн үөрэ- көтө бэлиэтээтибит.

Сахалыы сиэринэн кэлбит ыалдьыттары түптэ уматан, салама баайан, алаадьынан айах тутан көрүстүбүт. Ааспыт ырыа күнүн чэрчитинэн күргүөмүнэн нэһилиэкпит Өрөгөй ырыатын толорон, уопсай хаартыскаҕа түһэн үөрүүлээх чааһы ситэрдибит. Эбиэт кэмигэр эҕэрдэлэр, ырыа күнүгэр аналлаах оонньуулар ыытылыннылар. Саха Республикатыгар бэлиэтэнэр Ырыа, оһуохай күннэринэн оһуохай этээччилэрбитигэр, ырыа ансаамбылларыгар «Түмэн» НАК аатыттан Эҕэрдэ суруктары туттардыбыт. Ньукуолун күнүнэн «Биэттэ булчуттара»… (читать далее)

Ыам ыйын 18 күнүгэр Баатаҕай нэһилиэгэр Пионерия күнүн көрсө, Саха сиригэр пионерскай хамсааһын тэриллибитэ 100 сылыгар аналлаах “БУДЬ ГОТОВ! ВСЕГДА ГОТОВ!” тэрээһин С.Ф. Сивцев аатынан “Түмэн” НАК, М.К. Федорова аатынан олохтоох библиотека уонна Н.Н. Тарскай аатынан Баатаҕай орто оскуолата тэрийиилэринэн айылҕаҕа тахсан, бэрт тэрээһиннээхтик ааста.

Ол курдук “Спорт Албан аат” музей фондатыттан олохтоох библиотека сэбиэдиссэйэ Пермякова А.П. быыстапканы туоруордаҮөрүүлээх чааһы сатабыллаах, кыһамньылаах үлэни тэрийбит, старшай пионер баһаатай Дмитриева Светлана Семеновна өрө көтөҕүллүүлээхтик салайан ыытта. Этэрээт хамандыырдара аалай хаалтыстарын баанан, барабаан дохсун тыаһынан Пионерскай маршировканан киирдилэр. Валя Котик аатынан этэрээт — командира Румянцева Ксения Иннокентьевна, Сима Сергеев аатынан этэрээт — командир… (читать далее)

Улуу Кыайыы 79 сыла Баатаҕайга.

Улуу Кыайыы 79 сылын Баатаҕайдар аҕыйах да буоллаллар бэлиэтээтибит. Нэһилиэккэ олорор тыыл ветеранын, сэрии кэмин оҕолорун нэһилиэк дьаһалтата, тэрилтэ салайааччылара дьиэнэн кэрийэн эҕэрдэлээтилэр. «Өйдөбүнньүк уотун уматыы», «Саллаат алаадьыта», «Кыайыы вальса» Акциялар ыытылыннылар. Эһиилги Кыайыы 80 сыллаах юбилейнай тэрээһиннэригэр, көхтөөхтүк кыттаргытыгар ыҥырабыт!

Аҕа дойду Улуу сэриитигэр охтубут буойуттар кэриэстэригэр, бүтүн Россиятааҕы «Свеча памяти» акция ыам ыйын 8 күнүгэр ыытылынна.

Сылын ахсын акцияны «СЫРДЫК ААРТЫК» ыччат түмсүүтэ тэрийэн ыытар. Бу да сырыыга элбэх ыччат, үүнэр көлүөнэ акцияга кыттыста.

Н.Н.Тарскай төрөөбүтэ 100 сылынан, биир дойдулаахтара Баатаҕай нэһилиэгин олохтоохторо сарсыардаттан бэлиэтээн саҕалаатыбыт.

Бөдөҥ государственнай уонна общественнай деятель, Саха сиригэр физкультурнай хамсааһыны тэрийээччи, ССРС физическэй култуураҕа туйгуна Николай Николаевич Тарскай төрөөбүтэ 100 сылыгар аналлаах үөрүүлээх тэрээһин Баатаҕай нэһилиэгэр сарсыарда 7 чаастан маассабай сүүрүүнэн, зарядканан саҕаланна.  Баатаҕай нэһилиэгин Бочуоттаах олохтооҕо, РФ үөрэхтээһинин туйгуна, СӨ физкультураҕа уонна спортка туйгуна Николаев Николаев Адамович Зарядканы эҕэрдэлээн туран, орто оскуола физкультураҕа учууталларын кытта… (читать далее)

«СЫРДЫГЫ,КЭРЭНИ ТҮСТЭҺЭН!» .

«Түмэн» НАК 2023-2024 үлэ сылынан отчуоттуур киэһэтигэр бастыҥнарга Анал бэлиэлэри, Махтал суруктары директор Готовцева Л.Р туттарда. Дьоро киэһэ лауреаттар уонна уус уран самодеятельность кыттыылаахтарын улахан Гала концерынан түмүктэннэ. Бары кыайыылаахтары эҕэрдэлиибит, эһиилги сезоҥҥа өссө улахан ситиһиилэри баҕарабыт.