Бүгүн о.э бэс ыйын 21 күнүгэр Уус Алдан улууһа төрүттэммитэ 95, Мүрү нэһилиэгэ төрүттэммитэ 65 сылларынан, Улуу кыайыы 80 сылыгар аналлаах “Өрөгөй кынаттаах Кыайыы ыһыаҕа” улуустааҕы ыһыахха Баатаҕай нэһилиэгиттэн МИХАИЛ МИХАЙЛОВИЧ БЕЛОЛЮБСКАЙ салайааччылаах, нэһилиэк бэтэрээннэрин сэбиэтин бэрэссэдээтэлинэн 18 сыл үлэлээбит, Баатаҕай нэһилиэгин бочуоттаах олохтооҕо АННА ПЕТРОВНА БУРНАШЕВА, «Георгий Жуков», «Александр Суворов» мэтээллэрдээх анал байыаннай дьайыы кыттыылаага, сержант ВАСИЛИЙ ВАСИЛЬЕВИЧ СЕМЁНОВ кыттыылаах нэһилиэктэр парааттарын сэлэлээн хааман киирэн саҕалаатыбыт.

Үөрүүлээх тэрээһиҥҥэ улуус солбуйар баһылыга, А.Д. Сторожев “Уруйдуубут Улуу Кыайыыны” нэһилиэктэр икки ардыларыгар көрүү-бэстибээл түмүгүнэн 150000 солк. сууммалаах сертификаты туттарда.
Үбүлүөйдээх Кыайыы ыһыаҕын күрэхтэригэр: “Оһуохайбыт дуорайдын” күөн-күрэскэ АЛГЫСТААНА БЕЛОЛЮБСКАЯ Мэҥэ сурук анал аат (2 тыһ.), АЭЛИТА СИВЦЕВА Мэҥэ сурук 3 үрдэлэ (3 тыһ. солк..), “Ылгын Боотур” кыра уолаттар күөн-күрэстэригэр АЙТАЛ БЕЛОЛЮБСКАЙ уонна ДЬУЛУУР ЕГОРОВ кыттыыны ыллылар, Дьулуур Егоров Мэҥэ сурук 1 үрдэлэ (велосипед), “Кыайыы кынаттаах ырыалар” ырыа күрэҕэр МАРИЯ АЛЕКСЕЕВА 3 үрдэли (7 тыһ. солк.) уонна “Күүстээх Куо” – Васильева Варвара Ананьевна – Күүстээх Баттаайа аатынан кэрэ аҥардарга улуустааҕы күөн-күрэстэригэр ЕВГЕНИЯ АДАМОВА Мэҥэ сурук 2 үрдэлин (50 тыһ. солк.) ылары ситистилэр, наҕараадаланнылар.
Бу курдук кыайыы, ситиһии көтөллөөх үбүлүөйдээх ыһыахха түһүлгэлээн, түмсэн кыттыыны ыллыбыт. Түмүккэ баран кыттыбыт хас биирдии нэһилиэкпит олохтоохторугар махталын тиэрдэн туран, күрэх кыттыылаахтарыгар нэһилиэк дьаһалтатын аатыттан МИХАИЛ МИХАЙЛОВИЧ эҕэрдэ сурук уонна бэлэх туттарда,
Инникитин даҕаны улууска ыытыллар араас таһымнаах тэрээһиннэргэ, күөн-күрэстэргэ эдэрдиин-эмэнниин кыттан нэһилиэкпит аатын ааттата туруохха диэн ыҥырда.