Сайыны көрсүү сиэринэн түптэ уматан, салама баайан, ырыа күнүнэн ыллаан-үҥкүүлээн, оһуохайдаан тэрээһини саҕалаатыбыт.
«Сайылык оонньуулара» хамаанданан күрэххэ барыта 4 хамаанда кыттан- 1м «Ынахсыттар», 2м «Сайылык», 3м «Бэтэрээннэр» хамаанда ылары ситистилэр.
Эбиэккэ «Биэттэ булчуттара» түмсүү Ньукуолунннааҕы кус миинин тото-хана, махтана амсайдыбыт.
«Күн төгүрүк алаадьыта», «Бастыҥ быырпах» конкурстарга Мария Алексеева тэҥнээҕин булбата.
«Мохсуо» быраҕыыга бастыыр иһин күрэххэ Николай Адамович Николаев кыайыан кыайда. Тэрийээччи Александра Алексееваттан мэтээл, бириис тутта.
Бары бырааһынньык кыттыылаахтарыгар, кыайыылаахтарыгар сайын кэлбитинэн эҕэрдэлиибит уонна махтанабыт!
