Саха Өрөспүүбүлүкэтин күнүнэн Баатаҕай нэһилиэгин олохтоохторо муус устар 26 күнүгэр «Түмэн» НАК мустан бэлиэтээтибит.
Өрөгөй күнэ радиоконцерынан, «100 лет мечты-путь якутской государственности» киинэнэн саҕаланна. Салгыы сахалыы таҥастаах хаамтыбыт, оһуохайы оройуттан тутан, нэһилиэк Өрөгөй ырыатын архив матырыйаала оҥостон видеоҕа уһуллубут. Нэһилиэк баһылыга Белолюбскай М.М эҕэрдэтинэн, «Сахам сирэ Кыайыыга кыттыһар» хоһоон суруйуутун кыайыылаахтарын наҕараадалааһынынан торжественнай чаас түмүктэннэ. Хоһоон суруйууга оҕолорго
1м Сайа Сивцева
2м Дарина Попова
Улахан дьоҥҥо
1м Светлана Готовцева
2м Раиса Борисова
3м Августина Березкина кыайаннар грамота, бириис туттулар.
Ол кэннэ Саха Республикатын күнүн көрсө, Улуу Кыайыы 80 сылынан «Толкуйдаа Оонньоо Кыай» дьиэ кэргэттэргэ аналлаах күрэҕи Николаев Н.А, библиотека сэбиэдиссэйэ Пермякова А.П салайан ыыттылар. Түмүккэ
1м Михаил, Надежда, Сайыына Белолюбскайдар
2м Александр, Валерия, Алгыстаана Белолюбскайдар
3м Алексей, Сардана, Алиса Ядрихинскайдар ылары ситистилэр. Кыайыылаахтар юбилейнай мэтээллэри, грамоталары, спонсордар Белолюбская Е.П, Готовцева Л.Р, Сивцев В.В-3 бириистэрин тутан үөрдүлэр-көттүлэр.
Бырааһынньык түмүгэр «Мохсуо» быраҕыыга коммерческай, абсолютнай оонньууга барыта 15 киһи кытынна. Муҥутуур кыайыылаахтар эр дьоҥҥо Александр Белолюбскай, дьахталларга Людмила Лугинова буоллулар.
Бары тэрээһин кыттыылаахтарыгар, кыайыылаахтарга, спонсордарга эҕэрдэбитин, махталбытын тиэрдэбит.
