Атыы тутуу, ярмарка, шашлык, бурдук ас атыыта дьону сэргэни түмтэ. Үгэс буолбут түөлбэлэр икки ардыларыгар көрдөөх Эстафетаҕа «Аргыс» түөлбэ олохтоохторо кыайыы өрөгөйүн биллилэр. Салгыы Дабаан, Сарыал түөлбэлэр миэстэлэстилэр. «Сыыдам сырыылаах салааскам» күрэххэ, өрүү көхтөөх кыттааччыбыт Сайыына Белолюбская салааската бастаата. Массыына соһуутугар Виталий Белолюбскай, хаатыҥка быраҕыыга Ньургун Сивцев, Амелия Сивцева, Рустам Алексеев, сыттыгынан саайсыыга Дарина Попова, Надежда Попова, Виталий Лепчиков тэҥнээхтэрин булбатылар. Бириистээх остуолбаҕа тахсыыга Игорь Гоголев Людмила Готовцева, Людмила Лугинова олохтообут «Мебельнэй» маҕаһыынтан сертификаттарын, Рустам Алексеев «Түмэн» НАК олохтообут минньигэс тордун, «Мүрү нэһилиэгэ» ТСТ солбуйар баһылыга В.П. Сивцева харчынан бирииһин ыллылар.
Бары кыттыбыт олохтоохторго, спонсордарбытыгар сааспыт кэлбитинэн эҕэрдэ уонна махтал тылларын тиэрдэбит.
