Тэрээһин үөрүүлээх чааһыгар «Сандаар» ансаамбыл кэрэ аҥардара сылаас алаадьынан айах туттулар, алын сүһүөх кылаас оҕолоро үҥкүүлээн, «Күнчээн » уһуйаан оҕолоро ыллаан ыалдьыттары сэргэхситтилэр.
«Сүрэх баҕатынан, илии дьоҕурунан» нэһилиэкпит талааннаахтарын быыстапкатын М.К. Федорова аатынан олохтоох библиотека зав. Пермякова А.П. билиһиннэрдэ.
?️Бырайыак чэрчитинэн «Түмэн» НАК, орто оскуола, уһуйаан иһинэн ыытыллыбыт уруһуй күрэхтэрин түмүктэринэн кыайыылаахтарга наҕараадалары туттулар.
«Дойдум кэрэ көстүүтэ» нэһилиэкпит кэрэ-бэлиэ миэстэлэрэ уруһуй акциятыгар Егоров В.П., Корнилова И.П. кыттыыны ыллылар. Кинилэргэ кыттыыларын иһин олохтоох дьаһалта аатыттан махтал сурук уонна өйдөбүнньүк бэлэх туттарылынна.
Маастар кылаастарга дьон-сэргэ, оҕо-аймах кыттыыны ыллылар, фотозона уруһуйдаан хаартыскаҕа түстүлэр.
Түмүккэ бу күн оҕолор муустан ёлка оонньуура оҥорбуттарын тутатына нэһилиэкпит харыйатыгар киэргэтэ иилэн, уотун сандаартыбыт.
