Концерт иннинэ «Булуҥҥа балык булда» диэн теманан аҕа дойду сэриитин кэмигэр биир дойдулаахтарбыт үлэлэрин туһунан үтүөлээх учуутал, сэрии сылын оҕото Троева Вера Иннокентьевна иһитиннэрии оҥордо.
Үөрүүлээх чааска директор, Готовцева Людмила Романовна бу сылга куруһуоктар, түмсүүлэр үлэлэрин, ситиһиилэрин туһунан иһитиннэрдэ уонна махтанан, эҕэрдэлээн туран бастыҥнарга анал бэлиэлэри туттарда, ол курдук:
“Лучший руководитель клубного формирования” – “Танцы-манцы” көр-күлүү бөлөҕүн сал. Белолюбскай Александр Петрович;
“Лучший активист клубного формирования” – Н.Н. Тарскай аатынан Баатаҕай орто оскуолатын 8 кылааһын үөрэнээччитэ Рожина Сайаана уонна “Сандаар” ансаамбыл сал. Ушницкая Марта Семеновна;
“Лучший активист любительского объединения” – Готовцева Марфа Алексеевна, Сивцева Вероника Петровна, Егоров Василий Павлович уонна “Сардаҥа” түмсүү сал. Гоголева Евдокия Дмитриевна;
“Активист сезона” – Ушницкий Николай Николаевич;
Маны таһынан түмсүү, куруһуок салайааччыларыгар сынньалаҥ киин үлэтигэр күүс-көмө буолар, сүбэһиттэрбитигэр, наставниктарбытыгар Троева В.И., Николаев Н.А., Готовцева Н.В., Копырина А.Н., Белолюбскай М.М., Марк Карповка, Алексан Лугиновка махтал суруктарбытын туттардыбыт.
Наҕараадалааһын кэннэ “Сырдыгы, кэрэни түстэһэн” отчуоттур концерт элбэх киһини түмтэ.
Бука бары түмсэммит, санаабытын холбооммут, үлүһүйэн үлэлиэххэ! Үүнэ-сайда туруохха! Тапталлаах төрөөбүт Биэттэбит бар дьонун, кэнэҕэски ыччатын ыҥырабыт!
Иһитиннэриини оҥордо Баатаҕайдааҕы С.Ф.Сивцев аатынан “Түмэн” НАК директора Готовцева Л.Р.