Ол курдук түөлбэнэн үс түһүмэх түмүгүнэн «Аргыс» түөлбэ 1 миэстэ, «Сарыал» түөлбэ 2 миэстэ, «Дабаан» түөлбэ 3 миэстэни ыланнар грамоталары туттулар.
Тэрилтэнэн, түмсүүлэр «Көрдөөх стартар» эстафетаҕа Н Н. Тарскай аатынан Баатаҕай орто оскуолатын хамаандата 1 миэстэ, «Искра» хамаанда 2 миэстэ, «Хомуур» хамаанда 3 миэстэни ылары ситистилэр.
Биирдиилээн күрэхтэргэ оҕолорго хаатыҥка киэргэтии конкурсугар Эрсан Корнилов 1 миэстэни, Майя Рожина 2 миэстэни, Сайыына Белолюбская 3 миэстэни ылары ситистилэр.
«Нуучча сарапаана» авангарднай сарафан конкурсугар Готовцева С.Д. 1 миэстэ, Алексеева А.Н. 2 миэстэ, Алексеева М.Н. 3 миэстэ буоллулар.
Саамай күүтүүлээх күрэхтэргэ «Остуолбаҕа тахсыы» Игорь Гоголев, Рустам Алексеев, Ян Готовцев бириистэри ыллылар (спонсордар: Егоров Т.Т., Босиков И.Г., Белолюбскай А.П.,), массыына соһуута күрэххэ Васса Карпова кыайыылааҕынан таҕыста
Тэрээһин кэмигэр «Түмэн» НАК коллектива хорчуопка, нэһилиэк олохтоохторо атыы-тутуу дьаарбаҥкатын тэрийэннэр сааскы бырааһынньыгы ситэрэн биэрдиллэр.
Онтон киэһэ нэһилиэкпитигэр спорт уонна общестеннай хамсааһын сылынан, Саха Республикатыгар Уол оҕо күнүн чэрчитинэн алын кылаас уолаттарыгар үһүс төгүлүн ыытыллар «Бөтөс-2023» күрэхпит үрдүк таһымнаахтык ааста. Күрэҕи сыаналаатылар олохтоох дьаһалта солбуйар баһылыга Сивцева Вероника Петровна, Ф.Е. Габышев аатынан оҕо спортивнай оскуолатын Баатаҕайдааҕы филиалын тренер-преподавателя Николаев Николай Адамович, культура ветерана Копырина Антонина Николаевна, спортивнай түһүмэхтэри ыытта Н Н. Тарскай аатынан Баатаҕай орто оскуолатын ОБЖ учуутала Готовцев Ян Русланович. Уолаттар 5 көрүҥҥэ бэлэмнэнэн кэлэн илин-кэлин түһүстүлэр. Күрэх түмүгүнэн 1 миэстэҕэ таҕыста Артем Белолюбскай (бирииһи туруорда Попов Илларион Егорович, Саха Республикатын уус-уран оҥоһуктарын маастара, “Бэрт – Ууһун уустара” түмсүү салайааччыта), 2 миэстэҕэ Ньургун Сивцев (бирииһи туруорда Сивцев Иван Иннокентьевич, биир дойдулаахпыт, «Биэттэ булчуттара» түмсүү салайааччыта), 3 миэстэҕэ Эрсан Корнилов (бирииһи туруорда Готовцева Людмила Романовна, С Ф. Сивцев аатынан «Түмэн» НАК директора, «Далбар» дьахтар түмсүүтүн салайааччыта).
Кыайыылаахтар грамотанан, мэтээлинэн, сыаналаах бириистэринэн наҕараадаланнылар, кыттааччыларга туоһу суруктар уонна кылаастара, аймахтара өйдөбүнньүк бэлэхтэрин туттардылар.
Спонсордарбытыгар, тэрээһини ыытыыга көмөлөспүт биирдиилээн дьоннорбутугар норуот айымньытын киинин аатыттан махтал суруктары туттардыбыт.
Инникитин бу курдук Түмсүүнэн сайдыыга, үлэнэн үрдэлгэ иннибит диэки баран иһиэххэ, баҕарабыт дьоллоох, эйэлээх олоҕу, чэгиэн доруобуйаны.
