ЦНТ "Тумэн"

ЦНТ "Тумэн"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ «БАТАГАЙСКИЙ ЦЕНТР НАРОДНОГО ТВОРЧЕСТВА «ТУМЭН» ИМЕНИ СЕМЕНА ФЕДОРОВИЧА СИВЦЕВА» МУНИЦИПАЛЬНОГО ОБРАЗОВАНИЯ «БАТАГАЙСКИЙ НАСЛЕГ» УСТЬ-АЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Готовцев Игнатий Петрович аатынан «КУЙУУР-2023»

Баатаҕай нэһилиэгэр, муус устар 2 күнүгэр муниципальнай сулууспа туйгуна, бэтэрээнэ, Саха Республикатын тыатын хаһаайыстыбатын туйгуна, Баатаҕай нэһилиэгин Бочуоттаах олохтооҕо, Саха Республикатын атах оонньууларыгар спордун маастара, 18 сыл устата баһылыгынан үлэлээбит Игнатий Петрович Готовцев аатыгар куйуурга анал аһаҕас күрэх ыытылынна.
Уопсайа 9 хамаанда Уус-Алдан, Чурапчы уонна Мэҥэ-Хаҥалас улуустарыттан күѳн кѳрүстүлэр. Тэрээһини аал уоту оттон, алгыс тылын эттэ «Биэттэ» булчуттара түмсүү тутаах киһитэ, ѳр сылларга мунха салайааччытынан үлэлиир Федоров Николай Константинович. Күрэх кыттыылаахтарын, олохтоохтору эҕэрдэлээтилэр ыҥырыылаах ыалдьыттарбыт Уус-Алдан улууһун баһылыга Алексей Васильевич Федотов, Уус-Алдан улууһун Найахы уокуругун депутата Алексей Яковлевич Троев уонна Игнатий Петрович кэргэнэ Матрена Петровна, оҕолоро, күтүѳттэрэ.
Үс кѳрүҥ түмүгүнэн, хамаанданан күрэххэ I миэстэни Чурапчы улууһун Арыылаах хамаандата, II миэстэни Уус-Алдан улууһун Хомустаах хамаандата, III миэстэни Уус-Алдан улууһун Баатаҕай 1 хамаандата ылары ситистилэр. Бастаабыт хамаанда чилиэттэрэ улуус баһылыгыттан хас биирдиилэрэ сыаналаах бириис, олохтоох дьаһалта кубогын туттулар, маны таһынан кыайыылаах хамаандаҕа Игнатий Петрович дьиэ кэргэнэ, бииргэ төрөөбүттэрэ харчынан бэлэҕи туттардылар. Иккис миэстэни ылбыт хамааанда чилиэттэригэр Бадаар маҕаһыын сертификаттарынан бирииһи олохтоото Троев Алексей Яковлевич. Үһүс миэстэни ылбыт хамаанда күрэхтэһээччилэрэ Стройград маҕаһыынтан сертификаттары туттулар, спонсор Тумул нэһилиэгин мецената, Игнатий Петрович үѳрэнээччитэ Алексеев Петр Спиридонович.
Биирдиилээн ойбон тэһиитигэр күрэххэ, эдэрдэргэ: I миэстэни Дьячковский Николай Дмитриевич (Мэҥэ-Хаҥалас, Лоомтука 1), II миэстэни Атласов Геннадий Геннадиевич (Мэҥэ-Хаҥалас, Лоомтука 1), III миэстэни Прокопьев Константин Васильевич (Мэҥэ-Хаҥалас, Лоомтука 1) ыллылар. Бэтэрээннэргэ: I – Федоров Дмитрий Михайлович (Мэҥэ-Хаҥалас, Хара), II – Охлопков Семен Егорович (Уус-Алдан, Хомустаах), III – Федоров Николай Константинович (Уус-Алдан, Баатаҕай 2) миэстэлэри ыллылар.
Оҕолорго куйуурдааһын күрэҕэр I миэстэни Сергеев Ганя (Уус-Алдан, Тулуна), II миэстэни Габышев Кирилл (Уус-Алдан, Тулуна), III миэстэни Лугинов Алексан (Уус-Алдан, Баатаҕай) ылары ситистилэр. Эдэр кэскиллээх, Баатаҕай нэһилиэгиттэн тѳрүттээх кыттааччыларга анал бириистэри туттардылар Готовцев Ян Руслановичка урбаанньыт (спонсор Аммосов Алексей Александрович). Балагуров Артем Викторовичка (спонсор: Сивцев И.Г., Сивцев И.И., Нехоруковтар, Филипповтар дьиэ кэргэттэрэ).
Кыайыылаахтарга, кыттыыны ылбыт бары хамаандаларга олохтоохтор, биирдиилэн дьон, нэһилиэк тэрилтэлэрэ олохтообут бириистэрэ туттарылыннылар. Ону таһынан, анал номинациялар олохтонон бириистэр хаһаайыттарын буллулар. Ол курдук, «Саамай бѳдѳҥ балыгы куйуурдаабыт» Баатаҕай 2 хамаандатыгар Игнатий Петровиһы кытта үлэлээбит баһылыктар харчынан бириистэрэ, күрэх «Аҕа саастаах кыттыылааҕар» Охлопков Семен Егоровичка, Игнатий Петрович бииргэ үѳрэммит доҕотторун, 1972 с. Лѳгѳй оскуолатын выпускниктарын ааттарыттан сертификат, «Удьуор балыксыттар» анал аат Готовцев Яков Андреевич II, Готовцев Андрей Андреевич оҕолоро, сиэннэрэ олохтообут сертификаттара Чурапчы Арыылааҕыттан сылдьар Иван уонна Айаал Поповтарга, Мэҥэ Хаҥалас Лоомтукатыттан — Николай уонна Дмитрий Дьяконовтарга бэлэхтэннилэр.
Бары тэрээһини ыытыыга тэрийсибит үлэһиттэргэ, нэһилиэк олохтоохторугар, биирдиилээн спонсордарга олохтоох дьаһалта аатыттан махталбытын тиэрдэбит. Нэһилиэкпитигэр биллэриллибит Спорт уонна общественность хамсааһынын сылыгар бары түмсүүлээх буолуоххайын.
Иһитиннэриини бэлэмнээтэ: Сивцева В.П., Баатаҕай нэһилиэгин солбуйар баһылыга

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>