Тохсунньу ый 7 күнүгэр С.Ф. Сивцев аатынан «Түмэн» НАК нэһилиэк баһылыга М.М. Белолюбскай оҕолорго аналлаах Ороһоспотооҕу Харыйата ыытылынна.
Бырааһынньык «Саҥа дьыллааҕы ыалдьыттар»остуоруйаттан саҕаланна. Оҕолору, ыалдьыттары Тымныы Моруос, Хаарчаана уонна Саҥа Дьыл уол эҕэрдэлээтилэр, хас биирдии оҕоҕо Михаил Михайлович саҥа дьыллааҕы минньигэс бэлэхтэрин туттартаата.
Бастыҥ маскарадтар грамотанан, бириистэринэн наҕараадаланнылар. (Детсад оҕолоругар: I миэстэ — Майя Степанова, II миэстэ — Дьулуур Егоров, III миэстэ — Урсун Босиков, оскуола оҕолоругар: I миэстэ — Айсиэн Матвеев, II миэстэ — Айта Куо Матвеева, III миэстэ — Диана, Эрсан Корниловтар). Хоһооҥҥо, үҥкүүгэ күрэхтэстилэр, көрдөөх оонньууларга кытыннылар.
Киирии билиэтинэн бэлэхтэр оонньоннулар. Сүрүн бирииһи ( радиобудильник) 5 кылаас үөрэнээччитэ Аэлита Сивцева сүүйдэ. Спонсор урбаанньыт Иннокентий Босиков.
Тэрийээччилэр ааттарыттан актыбыыстарбытыгар, олохтоох дьаһалтаҕа, спонсордарбытыгар махталбытын тиэрдэбит.