ЦНТ "Тумэн"

ЦНТ "Тумэн"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ «БАТАГАЙСКИЙ ЦЕНТР НАРОДНОГО ТВОРЧЕСТВА «ТУМЭН» ИМЕНИ СЕМЕНА ФЕДОРОВИЧА СИВЦЕВА» МУНИЦИПАЛЬНОГО ОБРАЗОВАНИЯ «БАТАГАЙСКИЙ НАСЛЕГ» УСТЬ-АЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Дмитрий Дмитриевич Петровка аналлаах “Үтүө аата өлбөөдүйбэт” стендэ арыллыытын тэрээһинэ Баатаҕай нэһилиэгэр ыытылынна.

Баатаҕай нэһилиэгэр Геройдар күннэрин көрсө биир дойдулаахпыт, история билимнэрин кандидата, ССРС билимнэрин Академиятын Сибиирдээҕи салаатын үтүөлээх бэтэрээнэ, Саха Сирин культуратын уонна наукатын үтүөлээх үлэһитэ, Уус-Алдан улууһун, Баатаҕай нэһилиэгин бочуоттаах олохтооҕо Дмитрий Дмитриевич Петровка аналлаах “Үтүө аата өлбөөдүйбэт” стендэ арыллыытын тэрээһинэ Баатаҕай нэһилиэгэр ыытылынна.
Бу бэлиэ күн Д.Д. Петров төрөппүт улахан кыыһа Светлана Дмитриевна, кыра кыыһа Евдокия Дмитриевна уонна сиэннэрэ, Баатаҕай нэһилиэгэр олорор аймахтара күндү ыалдьыт буоллулар.
Үөрүүлээх тэрээһин нэһилиэк баһылыга Белолюбскай М.М. эҕэрдэтинэн саҕаланна. Стендэ ис хоһоонун анал салааларынан арааран оскуола директора Бурнашева А.А., историк учуутал Готовцев А.А., нэһилиэк библиотекара Пермякова А.П., ветеран учуутал Румянцева К.И. сиһилии билиһиннэрдилэр. Д.Д. Петров аатынан “Сыл бастыҥ выпускнига” анал аат бастакы стипендиата Самсонова Т.К. салайааччылаах араас сыллар стипендиаттара бэйэлэрин баҕа санааларын, эҕэрдэлэрин тиэртилэр.
“Уолан” хоһоонньуттар бөлөхтөрө, “Биэттэ” эр дьон ансаамбыла тэрээһини киэргэттилэр. Д.Д. Петров оҕолоро сиэннэрэ история кабинетыгар сыаналлаах бэлэх, үйэтитиигэ үлэлэһэ сылдьар салайааччыларга махтал суруктары туттардылар.
Түмүккэ, төгүрүк остуол кыттыылаахтарыттан киирбит этиилэри, баҕа санаалары, туруорсуулары анал былаан быһыытынан ылынан үлэлэһэргэ сүбэлэстибит.
Ити курдук, тиһигин быспакка салҕыы ыыта туруохха диэн ыҥыран туран киэн туттар киһибит Дмитрий Дмитриевич Петров олорбут олоҕун, үлэлээбит үлэтин куруутун үйэтитэ, үүнэр көлүөнэҕэ тиэрдэ туруохха диэн ыҥырабын.
Сивцева В.П., Баатаҕай нэһилиэгин солбуйар баһылыга

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>