ЦНТ "Тумэн"

ЦНТ "Тумэн"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ «БАТАГАЙСКИЙ ЦЕНТР НАРОДНОГО ТВОРЧЕСТВА «ТУМЭН» ИМЕНИ СЕМЕНА ФЕДОРОВИЧА СИВЦЕВА» МУНИЦИПАЛЬНОГО ОБРАЗОВАНИЯ «БАТАГАЙСКИЙ НАСЛЕГ» УСТЬ-АЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Биир дойдулаахпыт Суорун Омоллоон аатынан опера уонна балет театрын артыыһа Леонид Готовцев Москва уонна Санкт-Петербург куораттарыгар.

Саха АССР төрүттэммитэ 100 сылын түмүктүүр, Саха Республикатын күннэрин көрсө Москва уонна Санкт-Петербург куораттарга П.А. Ойуунускай суруйуутунан, композитор М.Н. Жирков нотаҕа түһэрбит Ньургун Боотур олоҥхо-оператын Андрей Саввич Борисов автор- режиссердаах спектаклын дойду киин куоратыгар көрдөрөн кэллибит. Опера уонна балет, Филармония Якутии уонна Олонхо театрдара  буолан уопсайа 290 киһи, олортон 260 артыыс кыттыыны ыллыбыт.

Бастакы премьерабыт ахсынньы 2 күнүгэр Санкт-Петербург куоракка аатырбыт Мариинскай театрга Ньургун Боотур опера турда, зал толору көрөөччүлээх көрүстэ.

Иккис уонна сүрүн премьерабыт ахсыннһы 6 күнүгэр дойдубут тэбэр сүрэҕэр Москва куоракка улахан театр сыанатыгар сүрэхтэннибит. Манна эмиэ зал толору, элбэх киһи билиэттэн маппытын туһунан иһиттибит. Сүрүн премьераҕа Саха Республикатын Ил Дархана А.С. Николаев уонна правительство салайааччылара кыттыыны ыллылар, онон эппиэтинэс өссө биһиэхэ үрдээбитэ. Россия улахан сыаналарыгар кыттыы миэхэ туспа сүрэхтэнии уонна опыт буолар, сөҕө махтайа көрбүтүм диэн нууччалар саха культуратын олус сэҥээрэллэр эбит. Операбыт хас биирдии тыла сахалыыттан нууччалыы тутатына экраҥҥа переводтана турбута, онон бука диэн ис хоһооно өйдөнөр. Биһиги бу операҕа саха норуотун уонна бухатыырдар оруолларын көрдөрдүбүт. Ыллыыр ырыабыт да, хамсаныыбыт да элбэх. Хас биирдии артыыс бэйэтин оруолун күүскэ ылсан туран оонньоото, дьоҥҥо-сэргэҕэ тиэртэ дии саныыбын.

Ахсынньы 7 күнүгэр Россия геройдарын күнүн көрсө Москваҕа Парк Победы, Поклоннай гора уораҕайыгар спецоперацияҕа сылдьыбыт дьон кыттыылаах анал концертка Ил Дархан А.С Николаев уонна биһиги кыттыыны ыллыбыт. Ити курдук бэрт таһаарыылаахтык, туһалаахтык гастроллаан дойдубутугар кэллибит.

Иһитиннэриини суруйда Леонид Готовцев.

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>