ЦНТ "Тумэн"

ЦНТ "Тумэн"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ «БАТАГАЙСКИЙ ЦЕНТР НАРОДНОГО ТВОРЧЕСТВА «ТУМЭН» ИМЕНИ СЕМЕНА ФЕДОРОВИЧА СИВЦЕВА» МУНИЦИПАЛЬНОГО ОБРАЗОВАНИЯ «БАТАГАЙСКИЙ НАСЛЕГ» УСТЬ-АЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Сайылык күнэ 28.05.2022

Ыам ыйын 28 күнүгэр Саха Республикатыгар Ийэ, Баатаҕай нэһилиэгэр Дьиэ- кэргэн, Саха АССР төрүттэммитэ 100 сылынан, Баатаҕай нэһилиэгэр сайылык күнүн бэлиэтиир тэрээһин бэрт сэргэхтик, истиҥник «Бэттиэмэ» сайылыкка буолан ааста.
Сайылык хаһаайката, Татьяна Петровна Белолюбская кэлбит ыалдьыттары саха сиэринэн арчылаан, айах тутан көрүстэ, эҕэрдэлээтэ.
Үөрүүлээх чааска нэһилиэкпит баһылыга Белолюбскай М.М., тыа хаһаайыстыбатын специалиһа Копырина Ж.И. эҕэрдэлээтилэр уонна өр сылларга тыа хаһаайыстыбатыгар үлэлээбит, билигин да сүөһү, сылгы көрөн олорор Алаас Хотуттарыгар Баатаҕай нэһилиэгин тыатын хаһаайыстыбатын сайдыытыгар кылаатын иһин бэлиэнэн Семенова И.Н., Аманатова М.Н., Бочуотунай грамотанан Портнягина С.И., Ушницкая Г.П., Белолюбская Т.П. Баатаҕай нэһилиэгин сайдыытыгар кылаатын иһин бэлиэнэн уонна Уус-Алдан культураҕа управлениятын начальнига Аммосов И.И. Эҕэрдэ суругун «Алаас Хотун» түмсүү салаайааччытыгар Сивцева В.Д. туттардылар.
Варвара Дмитриевна Алгыстаах саламааты хайдах астыыры оҥорон көрдөрдө, кэлбит ыалдьыттар минньигэс Алгыстаах саламаатынан күндүлээтэ.
Төгүрүк остуол тула олорон урукку кэми санаан-ахтан кэпсэттилэр.
Алаас Хотуттарыгар анаан С.Ф.Сивцев аатынан «Түмэн» НАК үлэһиттэрэ араас күрэхтэри (биирдиилээн, хамаанданан) тэрийэн ыыттылар.
Махтанабыт «Алаас Хотун» түмсүү бары кыттыылаахтарыгар, сал. Сивцева В.Д. өссө да бэйэҕит көҕүлээн, тэрийсэн, үтүө үгэстэри үксэтэ тураргытыгар.
Баҕарабыт бары үчүгэйи, чэгиэн доруобуйаны, үрдүк ситиһиилэри, байылыат олоҕу!

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>