2021 сыл — Уус Алдан улууһугар биллэриллибит Сомоҕолоһуу уонна айымньылаах үлэ сылыгар анаммыт түмүктүүр тэрээһиннэр чэрчилэринэн, культура ветерана, СР культуратын туйгуна, эргиччи талаан (баянист, художник, драм.артист, спортсмен) Семен Федорович Сивцев аатын үйэтитэр, эдэр көлүөнэҕэ билиһиннэрэр, байаан кэрэ тыаһын дьоҥҥо-сэргэҕэ тарҕатар, байааҥҥа оонньуур дьону көҕүлуур, киэҥ эйгэҕэ билиһиннэрэр, саҥа талааннары арыйар сыаллаах-соруктаах, СР культуратын туйгуна
Семен Федорович СИВЦЕВ
төрөөбүтэ 70 сылыгар анаммыт
“Байаан алыптаах тыаһа»
аһаҕас баянистар конкурстара ситим нөҥүө ыытыллан түмүктэннэ.
Конкурс тэрийээччилэринэн буоллулар
“Уус Алдан улууһун культураҕа управлениета” МБТ (начальник Аммосов И.И.),
«Баатаҕай нэһилиэгэ» МТ дьаһалтата (баһылык Белолюбскай М.М.),
«Сивцев Семен Федорович аатынан Баатаҕайдааҕы «Түмэн» норуот айымньытын киинэ» МБТ (директор Готовцева Л.Р.),
Уус Алдан улууһун баянистарын түмсүүтэ (салайааччы Луковцев С.Н.),
“Истиий дуу, байааным ырыатын!” бырайыак ааптара С.И.Васильев,
Семен Федорович Сивцев оҕолоро, сиэннэрэ.
Конкурс 2 көрүҥүнэн ыытылынна. Ол курдук, 1 көрүҥнэ кыттааччы бэйэтэ талан ылбыт тематыгар байааҥҥа вариациялары толоруута, 2 көрүҥнэ ырыаҕа доҕуһуола сыаналанна.
Дьүүллүүр сүбэҕэ үлэлээтилэр:
СР культуратын үтүөлээх үлэһитэ, СР Ырыа айааччыларын Сойууһун эппиэттиир секретара Степан Васильев,
СР культуратын туйгуна, СР уонна Уус Алдан улууһун ырыа айааччыларын сойууһун чилиэнэ, Бороҕоннооҕу оҕо искусство оскуолатын преподавателэ Станислав Луковцев,
ССРС культуратын туйгуна, Баатаҕай кулуубун директорынан өр сылларга үтүө суобастаахтык, таһаарыылаахтык үлэлээбит, культура ветерана Наталья Готовцева.
Конкурска барыта 14 кыттааччы Тааттаттан, Мэҥэ-Хаҥаластан, Кэбээйиттэн, Өлөөнтөн, Дьокуускай куораттан уонна улууспут нэһилиэктэриттэн кытыннылар.
Конкурс түмүгүнэн АНАЛ ААТТАР хаһаайыннарынан буоллулар:
«Кэскиллээх баянист» — ПЕТР СМЕТАНИН (Дьокуускай к.)
» Кэхтибэт талаан» — ИВАН БУРНАШЕВ (Уус Алдан)
«Дьикти дьүрүскэн» — ЮРИСТАН МИХАЙЛОВ (Мэҥэ-Хаҥалас)
» Алыптаах дорҕоон»- АЛЬБЕРТ ВАСИЛЬЕВ (Уус Алдан)
«Иэйиилээх дьүрүскэн» — ДМИТРИЙ БУРНАШЕВ (Уус Алдан)
Кыайыылаахтарынан буоллулар:
3 Үрдэл – ВИКТОР ТУМАНОВ (Таатта)
2 Үрдэл – ВАСИЛИЙ ФЕДОРОВ (Уус Алдан)
1 Үрдэл – ТАТЬЯНА ВИНОКУРОВА (Кэбээйи).
Биир дойдулаахпыт, эргиччи талааннаах, СР культуратын туйгуна Семен Федорович СИВЦЕВ сырдык аатын үйэтитэн ыытыллыбыт
“Байаан алыптаах тыаһа”
аһаҕас баянистар конкурстарын муҥутуур кыайыылааҕынан буолла Мэҥэ-Хаҥаластан ВЛАДИМИР КУЗЬМИН.
Конкурс кыттыылаахтарын Уус Алдан улууһун культура управлениетын uakultura.ru, Баатаҕайдааҕы «Түмэн» НАК ekctymen.ru анал сайтарыгар киирэн көрөргүтүгэр.
Бары кыттыбыт байаан алыптаах тыаһын олохторун аргыһа оцостон ыллыы-туойа сылдьар талааннаах дьоммутугар өссө да айар аартыктаргыт арылла туралларыгар, ырыаны аргыс оцостон уһун сылларга айа-тута, ыллыы-туойа сылдьаргытыгар баҕарабыт.
