«Саха Республикатын туйгуна, өр сылларга Баатаҕай кулуубугар үлэлээбит, нэһилиэккэ култуура уонна спорт сайдыытыгар элбэх кылааты киллэрсибит, биир дойдулаахпыт Сивцев Семен Федорович олорон ааспыт дьиэтигэр мемориальнай дуосканы оҕолоро оҥотторон үөрүүлээх быһыыга майгыга арыйдыбыт.
Баатаҕайдаа5ы Семен Федорович Сивцев аатынан «Түмэн» норуот айымньытын киинигэр Семен Федоровичка аналлаах выставканы көрдүбүт, декада устата ыытыллыбыт спортивнай күрэхтэр уонна конкурстар түмүктэринэн наҕараадалар туттарылыннылар. Үрдүк сыанаттан махтал тыллара, ахтыылар этилиннилэр, истин киэһээни Николай Николаевич Ушницкай архыыбыттан доҕорун Сэмэн туһунан оҥорбут видеороликтарын көрдүбүт.
Түмүккэ, С. Ф. Сивцевка аналлаах «Дэгиттэр талаан» диэн ахтыы кинигэ сүрэхтэниитигэр уонна үбүлүөйдээх тэрээһиннэри түмүктүүр күммүтүгэр кыттыыны ылалларыгар тэрийэр хамыыһыйа аатыттан ыҥырдыбыт.
Түгэнинэн туһанан, бүгүҥҥү тэрээһиҥҥэ кыттыбыт нэһилиэк олохтоохторугар, Семен Федорович оҕолоругар, үөлээннээхтэригэр истиҥ махталбытын тиэрдэбит.»
Иһитиннэриини бэлэмнээтэ, Баатаҕай нэһилиэгин баһылыгын солбуйааччыта Сивцева В.П.
Ахсынньы ый 3 кунэ, 2021 сыл