Сэтинньи 22-ахсынньы 3күнүгэр 2021 сыл дылы биллэриллибит Саха Республикатын культуратын туйгуна С.Ф.Сивцев төрөөбүтэ 70 сылыгар аналлаах декада аһылынна. Фойеҕа С.В.Сивцевка аналлаах хаартысканнан быыстапка дьон көрүүтүгэр турда. Декада арыллыытынан нэһилиэк баһылыга М.М. Белолюбскай, солбуйар баһылык В.П.Сивцева, спорт инструктор С.А.Готовцев, ветеран учуутал, үөлээннээҕэ Н.А.Николаев эҕэрдэлээтилэр. С.Ф.Сивцев биир сөбүлүүр көрүҥнэригэр остуол тенниһигэр уонна саахыматка эр дьон уонна дьахталлар икки ардыларыгар күрэхтэр сэргэхтик ыытылыннылар. Декада устата олохтоохторго биирдиилээн ырыаһыттарга уонна куйаар ситиминэн аһаҕас байаанынан толорооччуларга күрэхтэр ыытыллыахтара. Ону тэҥэ олорбут дьиэтигэр мемориальнай дуоска аһыллыыта, ахтыылартан хомуллубут кинигэ тахсыыта былааннанар.
