Алтынньы ый үтүө сонуна Улууска оперштаб быһаарыытынан культура уонна спорт тэрилтэлэригэр вакциналаах дьоҥҥо,бары ирдэбиллэри тутуһан туран куруһуоктар,секциялар ,тэрээһиннэр ыытыллаллара көҥүллэннэ. Аан дойдутааҕы Сааһырбыттар декадаларынан онлайн форматынан эҕэрдэлээтибит,араас тэрээһиннэри инстаграм,сайт,ютуб нөҥүө ыыттыбыт. Улуус культуратын профкомун уонна коллектив аатыттан культурабыт ветераннарын Наталья Владимировнаны,Варвара Афанасьевнаны дьиэнэн сылдьан эҕэрдэлээтибит. Нам улууһун Кыһыл-Сыыр нэһилиэгин Мичээр норуот айымньытын киинэ тэрийэн ыыппыт үҥкүү күрэҕэр Алгыс уонна Оһуор үҥкүү коллективтара ситиһиилээхтик кыттыбыттарынан эҕэрдэлиибит.Саха Республикатын культуратын туйгуна Семен Федорович Сивцев төрөөбүтэ 70 сылыгар анаан тахсыахтаах кинигэ- брошюра матырыйааллара хомуллан ,бэчээттэнэн,ис тутула оҥоһуллан бэрэбиэркэҕэ барда. Саха Республикатыгар Ийэ, Россияҕа Аҕа күннэринэн анал былааннарынан онлайн тэрээһиннэри ыыттыбыт. Уус уран салайааччы Александр Петрович Зум приложениянан эдэр ийэлэргэ конкурс тэрийбитэ, дьон-сэргэ сэҥээриитин ылла. Комсомол күнүгэр онлайн эҕэрдэ,хаартысканан күрэхтэр ,куруһуок чилиэннэригэр викториналаах оонньуу ыытылынна. Кыайыылааҕынан орто оскуола учуутала Светлана Дмитриевна Готовцева буолла.Хаартысканан күрэххэ Түүлээх, Тулуна нэһилиэктэриттэн тиийэ кытыннылар. Күһүҥҥү каникулу көрсө оҕо уонна ыччат дьоҥҥо Хэллоуин бырааһынньыгар анаан конкурстарга барыта 10 кыттааччы кытынна. Кыайыылаахтар грамоталарынан,сэмэй бириистэринэн бэлиэтэннилэр. Культурнай-маассабай тэрээһиннэри, бырааһынньыктары,биэчэрдэри очно (дьону ,нэһилиэнньэни мунньан) ыытарбыт ,тэрийэрбит туһугар ,бэйэҕитин,чугас дьоҥҥутун харыстыыр сыалтан коллектив аатыттан барыгытын вакцинацияны ааһаргытыгар өссө төгүл ыҥырабыт.Этэҥҥэ буолуоҕуҥ.
