Убаастабыллаах комсомол ветераннара!
Ыччаты биир сыалга-сорукка түмэн, үлэни-хамнаһы кыайар эдэр эрчими дойду сайдыытыгар туһулаабыт комсомол тэрилтэтэ бэйэтин кэмигэр, чахчы даҕаны, олус улахан суолталааҕа. Комсомол иҥэрбит үйэлээх сыаннастарын – төрөөбүт дойдуга тапталы, ытык иэһи, үлэһит буолууну, киһилии истиҥ сыһыаны, бэриниилээх буолууну бэйэлэрин дууһаларыгар, өйдөрүгэр – санааларыгар илдьэ сылдьар Комсомол ииппит дьоно күн да бүгүн ыччат дьоҥҥо бэйэҕит олоххутунан өрүү бастыҥ холобур буола сылдьаҕыт.
Урукку комсомолецтары бука барыгытын үүммүт Комсомол күнүнэн итиитик-истиҥник эҕэрдэлиибин! Эһиги айымньылаах үлэҕэ күүскүтүн холбоотоххут, Сахаҕыт сирин сайдар суолугар кылааккытын киллэрдэххит. Ыарахантан чаҕыйбакка, үлэттэн куоппакка олох хардыытынан дойдугут сайдарыгар күүскүтүн уурбуккут, санааҕытын холбообуккут сыаналанан үлэһит үтүөлэрэ буолан дьон махталын ыллаххыт.
Баҕарабыт энчирээбэт эрчими, уҕараабат уйгуну. «Төлөннөөх сүрэххит кырдьары билиммэккэ, өрүүтүн сырдыгынан сыдьаайа, үлэни көҕүлүү, сайдыыга ыҥыра сырыттын!» диэн баҕа санаам бастыҥын тиэрдэбин.
