МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БАТАГАЙСКИЙ ЭТНОКУЛЬТУРНЫЙ ЦЕНТР "ТУМЭН" МУНИЦИПАЛЬНОГО ОБРАЗОВАНИЯ "БАТАГАЙСКИЙ НАСЛЕГ"

23.12.2019 с. «Адмирал» клубка дьоһун бэлэх.

«Түмэн» ЭКК 2018 сыл түмүгүнэн Россия үрдүнэн «Бастыҥ тыа кулууба» проекка кыттан кыайыылаах буолбута. Материальнай-техническай базаны бөҕөргөтүүгэ көрүллүбүт сертификатынан, Этнокультурнай киин иһинэн үлэлиир «Адмирал» бильярднай клубка саҥа бильярднай остуолу ыламмыт нэһилиэкпит олохтоохторун үөртүбүт. 

Бу күн олохтоох бэйэни салайыныы дьаһалтатын баһылыга Михаил Михайлович Белолюбскай эҕэрдэтин, махталын биллэрдэ уонна «Түмэн» этнокультурнай киин директора Людмила Романовна Готовцева нэһилиэк олохтоохторугар махтанан туран нэһилиэк дьаһалтатыгар махтал суругу туттарда.

Дьоро киэһэҕэ саҥа дьыл бырааһынньыгын көрсө нэһилиэкпит эр дьонугар аһаҕас турнирга 12 күрэхтэһээччи кыттыыны ылла. Күрэх судьуйатынан спортинструктор, «Адмирал» бильярднай клуб салайааччыта Степан Анатольевич Готовцев үлэлээтэ.

Түмүккэ кыайыылааҕынан спорт ветерана Иннокетий Гаврильевич Сивцев таҕыста, 2 миэстэни Архип Егорович Гоголев уонна 3 миэстэни Николай Николаевич Копырин. Кыайыыллаахтар грамотанан уонна 1 миэстэни ылбыт Иннокентий Гаврильевич «Алгыс» аҕа көлүөнэ сал. Бурнашева А.П. туруорбут сыаналаах бирииһинэн наҕараадаланна. 

 

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>