МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БАТАГАЙСКИЙ ЭТНОКУЛЬТУРНЫЙ ЦЕНТР "ТУМЭН" МУНИЦИПАЛЬНОГО ОБРАЗОВАНИЯ "БАТАГАЙСКИЙ НАСЛЕГ"

«Олоҥхону толорууга утумнаахтык» олоҥхону толорор оҕолор бэстэбээллэрэ

Олоҥхоһут Прокопий Наумович Соловьев – Намыын төрөөбүтэ 125 сылыгар аналлаах «Олоҥхону толорууга утумнаахтык» оскуола оҕолорун ортолоругар олоҥхону толорууга күөн-күрэс сэтинньи ый 30 күнүгэр Н.Н.Тарскай аатынан Баатаҕай орто оскуолатыгар буолла. Сылын аайы ыытыллар күөн-күрэскэ эрдэттэн бэлэмнэнэн, улууспут 5 нэһилиэгиттэн 50 о5о кэлэн кытыыны ылла.
Чыпчаал ааты ылла «Ыллык» бөлөх, Тулуна орто оскуолата, салайааччы Дегтярева Татьяна Ивановна.

Биирдиилээн толорууга бастакы бөлөххө:
— 1 үрдэл Лөгөй орто оскуолатын 4 кылааһын үөрэнээччитэ Егор Копырин, салайааччы Лугинова Зинаида Петровна
— 2 үрдэл Сивцева Аэлита, Баатаҕай орто оскуолатын 2 кылааһын үөрэнээччитэ, салайааччы Дмитриева Светлана Семёновна уонна Сивцева Милена, Бороҕоннооҕу оҕо искусство оскуолатын 4 кылааһын үөрэнээччитэ, салайааччы Слепцова Лилия Сергеевна
— 3 үрдэл Решетникова Ангелина, Лөгөй орто оскуолатын 4 кылааһын үөрэнээччитэ, салайааччы Лугинова Зинаида Петровна уонна Атласова Виолетта, Бороҕоннооҕу оҕо искусство оскуолатын 2 кылааһын үөрэнээччитэ, салайааччы Слепцова Лилия Сергеевна
— Анал аат Иванова Айынара, Баатаҕай орто оскуолатын
3 кылааһын үөрэнээччитэ, салайааччы Дмитриева Светлана Семёновна.
Иккис бөлөххө
— 1 үрдэл Колодезников Ваня, Лөгөй орто оскуолатын 7 кылааһын үөрэнээччитэ, салайааччы Лугинова Зинаида Петровна
Үһүс бөлөххө:
— 1 үрдэл Диана Петухова, Лөгөй орто оскуолатын 9 кылааһын үөрэнээччитэ
— 2 үрдэл Александров Ярослав, Баатаҕай орто оскуолатын 8 кылааһын үөрэнээччитэ, салайааччы Дмитриева Светлана Семёновна
— 3 үрдэл Белолюбскай Валера, Баатаҕай орто оскуолатын 10 кылааһын үөрэнээччитэ, салайааччы Портнягина Любовь Владимировна
Бөлөҕүнэн толорууга бастакы бөлөххө:
— 1 үрдэл «Үнүгэсчээн» бөлөх, Баатаҕай орто оскуолата, салайааччы Готовцева С. И.
— 2 үрдэл «Утум» бөлөх, Хоноҕор орто оскуолата, салайааччы Черкашина Е. М.
— 3 үрдэл «Кустук» бөлөх, Уһун Күөл орто оскуолата, салайааччы Бережнева М. К.

Иккис бөлөххө:

— 1 үрдэл «Түһүлгэ» бөлөх, Тулуна орто оскуолата, салайааччы Дегтярева Т. И.
— Анал аат «Саһарҕа» бөлөх, Хоноҕор орто оскуолата, салайааччы Петрова Л. Н.
Баатаҕайдааҕы «Түмэн» этнокультурнай кииҥҥэ
«Кылыһах» образцовай студияны төрүттээччи, өр сылларга салайан кэлбит, Российскай Федерация норуотун үөрэҕириитин  туйгуна, Саха Өрөспүүбүлүкэтин үөрэҕириитин үтүөлээх учуутала Троева Вера Иннокентьевна 75 сааһын бэлиэтиир үөрүүлээх чааһа буолла.
«Учуутал олоҕун оҥкулларынан» өр сыллаах таһаарыылаах үлэтин кэпсиир быыстапканы сэҥээрэ көрдүбүт.
Вера Иннокентьевна уһуйбут «Кылыьах » студия иитиллээччилэрэ республика араас муннуктарыгар кини суолун салҕаан бэйэлэрэ олоҥхону уһуйааччы буолан айымньылаахтык үлэлии сылдьаллар. Олортон биирдэстэрэ Зоя Андреевна Стрекаловская буолар.
Арктикатааҕы култуура уонна искусство институтун фольклор салаатын кафедратын сэбиэдиссэйинэн үлэлии сылдьар. Кини анаан-минээн учууталын үөрүүтүн үллэстэ, Баатаҕайын дьонугар-сэргэтигэр бэйэтин студеннарын фольклорнай бөлөҕүн эҕэрдэ кэнсиэрин бэлэхтээтэ.
Үбүлүөйдээх дьоро күнүнэн Вера Иннокентьевнаҕа улууспут аҕа баьылыга Алексей Васильевич Федотов, культура управлениятын салайааччыта Иннокентий Иннокентьевич Аммосов, үөрэх управлениятын салайааччытын солбуйааччы Николай Николаевич Готовцев, Баатаҕай нэһилиэгин олохтоох бэйэни салайыныы дьаһалтатын баһылыга Михаил Михайлович Белолюбскай, нэһилиэк тэрилтэлэрэ, түмсүүлэрэ истиҥ эҕэрдэлэрин, ба5а санааларын тиэртилэр.
Өр сыллаах таһаарыылаах үлэтин сыаналаан СР «Гражданская доблесть» знак бэлиэни Алексей Васильевич Федотов үөрүүлээх чааска туттарда.
Вера Иннокентьевнаны убаастаан, ытыктаан бастаан үлэтин саҕалаабыт Таатта улууһун Туора Күөл бөһүөлэгиттэн үөрэппит оҕолоро, 70-с сылларга бииргэ үлэлээбит үөлээннээхтэрэ, «Кылыһах» выпускниктара кэлэн эҕэрдэлээтилэр.
Бу курдук олоҥхобут декадатын чэрчитинэн тэриллибит тэрээһин бэрт сэргэхтик ааста.

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>