Сэтинньи ый 15-16 күннэригэр 15 төгүлүн ыытыллар «Мүрү үҥкүүлүүр-2019» улуустааҕы үҥкүү күрэҕэ улууспут киинигэр буолла. Бу күрэххэ уопсайа 15 нэһилиэк, 41 коллектив, 12 биирдиилээн, 250 оҕо, 124 ул.дьон кыттыыны ылла. Биһиги нэһилиэкпититтэн «Түмэн» ЭКК иһинэн үлэлэлиир 4 үҥкүү бөлөҕө, Горохова М.А. салайааччылаах ситиһиилээхтик кыттан кэллэ. Ол курдук «Дьиэрэҥкэй» оҕолор (16 о5о), «Алгыс» аҕа саастаахтар (8 кыттааччы), «Оһуор» орто көлүөнэ 7 (кыттааччы), «Эрэл» эдэр көлүөнэ үҥкүүһүттэрэ (8 кыттааччы) кыттан кэллилэр. Түмүккэ «Эрэл» бөлөх 3ст. дипломант, «Алгыс» бөлөх 3 ст. лауреат ыланнар үөрүүбүт үксээтэ. Бу күн чэрчитинэн улуус культураҕа управлениятын, улуус хореографтарын общественнай түмсүү тэрийиитинэн уҥкүү коллективтарын салайааччыларыгар «Төгүрук остуол» ыытылынна. Манна хореограф, «Түмэн» ЭКК специалиһа, Горохова М.А. кыттыыныы ылла. Мунньахха элбэх кэпсэтии, санаа атастаһыы, проектнай дьыаланан үлэ туһунан иһитиннэрии, инники былааннары ылыныы буолла. Түмүккэ салайааччыбытыгар Горохова М.А. улуус хореографтарын общественнай түмсүүтүн аатыттан махтал сурук туттарылынна.
