Сэтинньи 15 күнүгэр «Түмэн» Этнокультурнай киинигэр, сэтинньи ый — Байанай ыйыгар анаан, «Түмэн» ЭКК тэрийиитинэн «Байанай алгыһа» күрэх нэһилиэк эр дьонугар анаан ыытылынна.
Тэрээһиннэ кэлбит күрэх кыттыылаахтарын, көрөөччүлэри арыылаах алаадьынан айах тутан күндүлээтибит. Кэлбит ыалдьыттары нэһилиэкпит баһылыга Белолюбскай М.М. эҕэрдэлээтэ. Алексан Лугинов ырыата, «Тыас-уус» фольклорнай бөлөх, (сал. Лугинова Л.С.) сахалыы инструменнарга оонньоон киэргэттилэр.
Ол кэннэ нэһилиэк 3 түөлбэлэрэ алта киһилээх хамаандалара алта түһүмэхтээх күрэххэ күөн көрүстүлэр. Түргэн — тарҕан буолуу, кыра5ы харах, сымса сылбырҕа буолуу, көр- көрүдьүөс бу киэһэ кулуубу толордо. Түөлбэ олохтоохторо «ыалдьааччылар» ыһыылара, күрэхтэһии тыҥааһынын өссө эбэн биэрдэ. Ол түмүгэр алгыстаах «Аргыс» хамаанда кыайыыны ситистэ. 2 миэстэ5э «Сарыал», 3 миэстэҕэ «Дабаан» хамаандалара тигистилэр. Бары хамаандалар мэтээлинэн уонна грамотанан наҕараадаланнылар. Булчуттарга Баай Байанайгыт мэлдьи тосхойдун диэн алгыыбыт.
