Кулун тутар 1 күнүгэр Найахы нэһилиэгэр 35 саастарыттан үөһэ саастаах кэрэ аҥардарга «Талба Хотун» аһаҕас үҥкүү күрэҕэ ыытыллынна. Конкурска барыта Нам, Кэбээйи, Таатта, Амма, Мэҥэ-Хаҥалас уонна Уус-Алдан улуустарыттан 19 коллектив иккилии үҥкүүнэн кытынна. Барыта 198 кэрэ аҥар кэлэн Найахы нэһилиэгин олохтоохторугар үҥкүү бырааһынньыгын бэлэхтээтилэр.
Биһиги нэһилиэктэн «Алгыс» уонна «Оһуор» үҥкүү коллективтара, барыта 17 киһи кыттыыны ыллыбыт.
Конкурс түмүгүнэн
«Алгыс» коллектив кыттыытын иһин Туоһу сурук ылла.
» Оһуор» коллектив «Үтүлүктээх үҥкүүтэ» «Бастыҥ көстүүм» анал ааты уонна Лауреат 1 степенин ылан кыайыы көтөллөөх үөрэн — көтөн кэллибит.