Сэтинньи 16 кунугэр улуус киинигэр «Олоҥхо биһигэ – Уус-Алдан» нэһилиэктэр икки ардыларыгар Олоҥхо фестивальын түмүктүүр спортивнай күрэҕэ уонна гала концерта буолан ааста. Спортивнай күрэххэ кыра I-кы буолары ситистилэр. Онон фестиваль түмүгүнэн Баатаҕай нэһилиэгэ культураҕа – I-кы, выставкаҕа – I-кы, спортивнай күрэххэ – I-кы миэстэ буолла. Онон кыайыылаахтарга сахалыы инструмент бэлэх биэрдилэр. Фестиваль түмүгүнэн II миэстэ5э… (читать далее)

Сэтинньи 14 кунугэр «Түһүлгэ» култуура уонна духуобунас киинигэр Бороҕон нэһилиэгэр «Олоҥхолоох олох суолунан» Уус-Алдаҥҥа олоҥхо ыйа биллэриллибитинэн Улуустааҕы Олоҥхо Ассоциацсиатын мунньаҕа, төгүрүк остуол буолан ааста. Ыытыллыбыт үлэ, инники былаан туһунан ирэ-хоро кэпсэтии буолла. Биһигиттэн Людмила Романовна, Людмила Семеновна, Лазарева Мотрена, Вера Иннокентьевна баран кэллилэр.

«Олоҥхолоох олох суолунан» улууска Олоҥхо ыйын чэрчитинэн сэтинньи 9-10 күннэригэр Өлтөх нэһилиэгэр ыытыллыбыт өҕрөспүүбүлүкэтээҕи «Муҥха олоҥхото» ыччаттар ортолоругар олоҥхону толорууга күөн-күрэскэ Баатаҕай нһилиэгиттэн «Кылыһах» ыччат фольклорнай бөлөҕө баран «Түөлбэ олоҥхотун үйэтитээччилэр» — анал аат, бөлөҕүнэн толорууга III миэстэ буолары ситистилэр. «Кэскиллээх олоҥхону толорооччу» анал ааты Иван Карпов ылла. Бөлөх салайааччыта Вера Иннокентьевна Троева.

Сэтинньи 8 күнүгэр Баатаҕай нэһилиэгэр эстрадабыт биир чаҕылхай сулуһа, элбэх дьон биһирэбилин ылбыт Виталий Очиров уонна кини ини бии быраата Кеша Васильев кэлэннэр кэнсиэрдээн бардылар.

Сэтинньи ый 7 күнүгэр элбэх көлүөнэ дьон буһуу-хатыы оскуолатын ааспыт, араас сылларга комсомол кэккэтигэр киирбит, комсомол чилиэннэрин мэтээлинэн чиэстиир, урукку кэми сэгэтэн санаан ылар күн буолбута. Биэчэрбит бэрт сэргэхтик урукку кэми ахтан кэпсэтии быһыылаахтык ааспыта.

Аартыктарынан айан Сэтинньи 2 күнүгэр улууска Олоҥхо ыйа биллэриллибитинэн Баатаҕай нэһилигэр «Аартыктарынан айан» буолан ааста. Нэһилиэнньэҕэ кэлэн улууспут талба талааннаах маастардара мастер класс көрдөрөн бардылар. Ол күн нэһилиэкпит биир киэн туттар тойуксутун, суруйааччытын Ушницкий Семен Дмитриевич кинигэтин презентацията буолан ааста.