Улуус оскуолаларыттан элбэх коллектив кэлэн кыттыыны ылла, барыта 390ча оҕо.
Оскуолалар олус бэлэмнээх кэлэн кытыннылар.
Бу таҥастара — саптара үчүгэйэ, тутталлара — хапталлара, саҥалара — иҥэлэрэ чуолкайа.
Оҕолорбут элбэҕи биллилэр, көрдүлэр, сэргээтилэр аҕай.
4 көрүҥҥэ күрэх ыытылынна:
1.Драматическай спектакль
2.Кукольнай спектакль
3.Художественнай ааҕыы.
4.Мода көрдөрүүтэ.
Аны манна төрөппүт эмиэ кыттыан сөп диэн көҥүл баар буолан инсценировкаҕа төрөппүттэр кыттыыны ылбыттара болҕомтону тарта.
Биһиги художественнай ааҕыыга
«Көбүөхтүүрүн аанньа күөх киһиргэс» диэн үгэни ааҕан 2 уонна 4 кылаас уолаттара «Живое слово» диэн анал ааты ылары ситистибит.
Оҕолорбут хайдах бэлэмнэммиттэринэн, кыахтара баарынан кытыннылар.
Бу күрэххэ сааһынан араарыы диэн суох эбит.
Күрэх быыһыгар биһиги Кыайыы болуоссатыгар тахса сылдьыбыппыт.
Үөһэттэн Мүрү Эбэбитин астына — дуоһуйа көрдүбүт. Ол кэннэ Сэһэн Ардьакыап аатынан музейга сылдьан элбэҕи көрдүбүт — биллибит, уолаттар элбэх боппуруос биэрдилэр.
Музей үлэһиттэрэ уолаттарбытын хайҕаатылар билиэн — көрүөн баҕалара баһаам эбит диэн.
Олус бэркэ сылдьан, үөрэн — көтөн кэллибит.
Түмүккэ бу күҥҥэ оҕолору илдьэ сылдьыспыт төрөппүппүтүгэр Людмила Романовнаҕа, учууталбытыгар Александра Павловнаҕа, ону таһынан суоппардарбытыгар Вадим Семёновичка, Сергей Прокопьевичка махталбын биллэрэбин.
Иһитиннэриини оҥордо «Уолан» бөлөх уонна «Эдэр талааннар» оскуола театырын салайааччыта Сивцева Валентина Ивановна.
