«В ГОСТЯХ У СКАЗКИ» оҕолорго аналлаах саҥа дьыл бырааһынньыга тохсунньу 5 күнүгэр буолан ааста. Оҕолорго анаан «Колобок» остуоруйа, араас эҕэрдэлэр, көрдөөх оонньуулар, «Сказочный маскарад» конкурс, «Радуга талантов» конкурс, үҥкүү-битии тэрилиннэ. Күөх харыйа тула хороводтаан, Тымныы Моруостан кэһии, бириис туттулар. Дьокуускай куоракка олорор урбаанньыт, биир дойдулаахпыт, ыччаппыт Иннокентий Геннадьевич Босиков сылын ахсын ыытар минньигэс бэлэҕин быйыл хаһааҥҥытааҕар да элбэх оҕо тутан, үөрүүлэрэ баһаам. Оҕо дьоммутугар бырааһынньыгы тэрийсибит орто оскуола үөрэнээччилэригэр, спонсор Иннокентий Босиковка МАХТАЛБЫТЫН ТИЭРДЭБИТ.
