Бүгүн Олунньу ый 5 күнүгэр «Тойон Мүрү» култуура дыбарыаҺыгар улуус культуратын бары үлэһиттэригэр анаан «Култуура эйгэтэ — олоҕум бэлэҕэ” быыстапка, Уйгу сирэ Уус Алдан улууһа төрүттэммитэ 100 сылын көрсө ыытыллар үлэ былааннарын тула сүбэ мунньах ыытылынна.

Кыттыыны ыллылар:
• Уус Алдан улууһун баһылыгын Сүбэһитэ *И.И. Колодезников*;
• ⁠Уус Алдан улууһун баһылыгын социальнай боппуруостарга солбуйааччы Г.Ф. Аргунов.

🏆2025 сыл түмүгүнэн _ «КҮН ЭЙГЭ»_ бириэмийэ лауреаттарын туттарыы үөрүүлээх тэрээһинигэр Баатаҕай нэһилиэгиттэн 2025 сыл Лауреата М.К.Федорова аатынан олохтоох библиотека сэбиэдиссэйэ Августина Петровна Пермякова ааттанна, ону тэҥэ 2025 сылга үбүлүөйдээх сааһынан, киномеханик идэлээх, сцена бэтэрээнэ Мария Николаевна Алексеева Саха Республикатын уус-уран самодеятельность сайдыытыгар кылаатын иһин бэлиэнэн наҕараадаланна.
Коллегаларбытыгар истиҥ эҕэрдэбитин, культура сылыгар чэгиэн туругу, үгүс үөрүүлээх түгэннэри баҕарабыт. КУЛТУУРА — сайдыыбыт чыпчаала, норуоппут үйэлээх үгэһэ