«ТҮМСҮҮ УОННА БИИРГЭ ҮЛЭЛЭЭҺИН» Саҥа сыл элбэх үтүө күннэри, ситиһиилэри, бэлэхтээтин диэн эргэ саҥа дьыл күн кулууп дьиэҕэ түмсүүлэр, тэрилтэлэр муһуннулар. Киирии чааска нэһилиэк баһылыга Белолюбскай М.М бар дьонун эҕэрдэлээн, саҥа сылга үлэ хамнас былааннарыттан, нэһилиэктэр икки ардыларыгар ыытыллар күрэҕи билиһиннэрдэ. Нэһилиэк бары араҥата, тэрилтэлэр сыл устата барыта 13 хайысхаҕа, 80араас критерийинэн күрэхтэһиэхтэрэ. Салгыы тэрилтэлэр, түмсүүлэр, биирдиилээн бөлөхтөр, куруһуоктар истиҥ эҕэрдэлэрэ, ырыа үҥкүү өргө диэри салҕанна.
«ААСПЫТЫ АТААРАН, КЭЛБИТИ КӨРСҮҺЭН» Эргэ саҥа дьылга, аҕам саастаах көлүөнэ дьоммутугар «Дьөһөгөйүм оҕото», «Саҥа Дьыл уоттара» диэн ааттаах конкурстар ыытылыннылар. Конкурска олохтоохтор эрэ буолбакка тэйиччи олорор биир дойдулаахтарбыт көхтөөхтүк кыттыбыттара, конкурсу ситэрэн биэрдилэр. Кыайыылаахтарга, Кыттыбыттарга барыларыгар хайҕал суруктар, сэмэй бэлэхтэр туттарылыннылар. Өрүү көхтөөх көлүөнэ дьоммутугар саҥа дьылга чэгиэн туругу, үгүс үөрүүнү баҕарабыт.
Понравилось это: Нравится Загрузка...
Похожее
